Esta semana empezamos a traballar no cole sobre os oficios, e que mellorque facelo visitando a panadería Acuña para ver o traballo dos panadeiros de primeira man.
Como os outros anos, recibiunos Andrés.
Levounos de paseo polas instalacións e ensinounos o almacén, onde gardan as materias primas que empregan para facer todas as cousas ricas que fan.
Despois levounos polo obrador. Alí estaban un montón de panadeiros que traballaban sen parar; uns facendo empanadillas, outros pasteis, outros cañitas ...ata que chegamos xunto os panadeiros.
Ensináronos como se fai a masa, como se corta,como se fan as barras e tamén como se meten no forno e como saen quentiñas e ben boas.
O mellor veu ao final, preparáronos unha mesa con masa e estivemos imitando ós panadeiros. De verdade que era pouca a diferencia.
Con tanto traballo entrounos fame e tomamos unhas napolitanas de chocolate que estaban de morte.Os menos golosos tomamos pan recen feito.
Vale a pena pasar por esta panadería.O trato foi excelente, todo sorrisos e bo humor.GRACIAS ANDRÉS E DEMAIS TRABALLADORES DE ACUÑA.
Ver todas fotos
No hay comentarios:
Publicar un comentario