Todos Pasados por Auga

Por fin chegou o día máis esperado do curso, o día da festa da auga.

Vimos á escola coma se fósemos a praia, cos nosos traxes de baño, toallas, chanclas, pistolas e globos de auga que os pais e nais teñen a paciencia infinita de encher a tarde anterior para que logo duren uns dous minutiños.
Chegamos prontiño á escola, e tivemos que esperar ata que fixese moita calor (non nos daba chegado a hora).Despois, as 10,45 h baixamos ao patio

e...vexan vostedes o que alí pasou

O mellor de todo, poñer a profe coma un pingo.
Cando xa estabamos cansos, secámonos ao sol

e despois fumos tomar esa merenda tan rica que nos preparan os nosos pais.

Foi un día estupendo.

Mais fotos

XIII Festival Fin de Curso

Xa tiñamos ganas de que chegara o día, pois como xa vos contaramos estivemos traballando moito que levar adiante o noso festival, que ten un programa ben xeitoso.

A verdade e que para ser só 12 pitufiñ@s quedounos bastante ben, non si?

Animádevos a deixar comentarios sobre a nosa actuación. Polos aplausos dos familiares que poideron vir, pensamos que o fixemos moi ben.
Ver fotos

Os Pitufinñ@s Traballan Moito

O luns 22 de xuño faremos na escola o noso festival de fin de curso e iso oblíganos a traballar moito, moito.
Todos os días nada máis chegar á escola baixamos por grupos e pintamos o noso decorado e despois do recreo ensaiamos.
Este mes de xuño tenos, moi pero que moi cansos.

Adiviñas.Lim

Aos pitufiñ@s encántanos facer os LIM que crea a profe, pero as veces axudámoslle a crealos, como fixemos con este LIM de adiviñas.Están recollidas todas as adiviñas que traballamos durante o curso.
Esperamos que vos guste.

A Ruta da Freixa.

Hoxe fixemos a última saída escolar do curso.Fixemos unha ruta de muíños que está no noso concello de Poio: A ruta da Freixa.

Coma sempre fumos todos os nenos e nenas das escolas unitarias de Poio, pero esta vez acompañados dos mestres, mestras e pais e nais que puideron vir.
A ruta comenzámola na carreteira de Campelo e chegamos A seca que é donde remata. É unha ruta pequeniña pero de gran beleza.

No muíño de Arriba estaba a esperar o Sr. Torres que puso o muíño a funcionar e vimos en directo a transformación do millo en fariña.


Despois no parque da Seca merendamos invitados polo Concello

e despois de xogar nos columpios, as 13 h voltamos á escola

De tódolos muíños da ruta quedounos un por mirar, pero ese deixámolo para que os nosos pais e nais se animen e nos leven cando teñan tempo.
Máis fotos

Que Boas as Cereixas!

Na escola temos moitas árbores frutais, pero a nos a que máis nos gusta é a cerdeira.O problema é que é moi alta e non podemos coller as cereixas.Contentámonos con mirar para arriba.
Pero hoxe foi un día especial porque andaba cerca da nosa escola un home traballando cunha pa e nin corto nin perezoso subíu enriba dela e colleunos un montón de cereixas para a merenda.
Dímoslle as grazas e convidámolo a tomar unhas poucas.
Mirade que pinta tan boa.

Xogamos? Verán

A Granxa Kiriko

Profe, Cantos días faltan para ir a granxa? Esa foi a pregunta máis frecuente no último mes na escola.
Pois nada,hoxe foi o día. As nove en punto arranca o autobús

Unha hora e vinte despois chegamos a O Kiriko, por certo que instalacións!

Nada máis chegar recibíronos os monitores e dividíronos en varios grupos: piruletas,caracois, peixiños, bob esponxas...e comenza a función:

• visita aos animais da granxa
• regamos a horta
• arrincamos malas herbas
• atopamos ovos...

Canto traballo!
Máis tarde, taller de galletas de canela

As dúas en punto a comer, uns máis e outros menos.

Despois xogos no parque


Plantamos sementes para levar e coidar na casa.
As cinco da tarde, bocata de chourizo


As cinco e media despedida e volta á casa.
sssss!estamos moi cansos.


Foi un día moi agradable e pasámolo moi ben.Esperamos voltar noutra ocasión.
Ver fotos

O Leite

Este mes de maio na escola estivemos traballando sobre o leite.
Un día a profe preguntounos se sabiamos algo do leite e nós dixémoslle que se compraba no super, que vina en caixiñas e un dos maiores dixo que o leite viña das vacas.

A profe mandounos buscar información e durante uns días trouxemos a escola todo o que as nosas familias nos axudaron a buscar, que foi moitísimo.
Con todo o aprendido fixemos un libriño que aquí deixamos para que lle botedes un ollo.
Na primeira parte do libro recolle todo o que aprendimos (amósase o traballo dos nenos de 3º curso que xa saben escribir coa letra minúscula) e na segunda amósanse as fotos ,cos pés de foto (escritos polos alumnos de 2º curso) dos procesos de elaboración na escola dos derivados dos leite (iogur e manteiga) e postres con leite (batido e flan).